ON FIRE
Mercui, 28.01.2026 dales 13:45
Matthäus Crepaz, compositur y musizist, nes presenta te chësc program le spetacul cultural de daurida di Jüc Olimpics dal titul ON FIRE. Vël instëss á lauré por chësc evënt sciöche aranjadú y compositur. Cotanc é i artisć y les artistes de nosta regiun che laora impara a chësc proiet y che sará da odëi sön paladina ai 30 de jená tl Palasport a Balsan. La RAI da Balsan trasmët chësta manifestaziun dal ví tla televijiun incër les 20:20.
La show ON FIRE ó ester n omaja culturala por ti dé le bëgngü ales Olimpiades da d’invern 2026.
N program de Sara Frenner